२०८२ कार्तिक २१, शुक्रबार ११:२८
गत आर्थिक वर्षको तुलनामा चालु आवमा वीरगन्ज नाकाबाट निर्यात वृद्धि भएको छ ।
प्रमुख भन्सार प्रशासक विष्णुप्रसाद ज्ञवालीका अनुसार चालु आवको प्रथम तीन महिनामा २६ अर्ब ५९ करोड मूल्य बराबरका सामान निर्यात भएका छन् । गत आवमा सोही अवधिमा आठ अर्ब ८४ करोड मूल्य बराबरका वस्तु निर्यात भएका थिए ।
चालु आवको तीन महिनामा १३ अर्ब ९८ करोड मूल्यका ६ करोड ७१ लाख तीन हजार ३०८ लिटर भटमासको प्रशोधित तेल निर्यात भएको छ ।
चालु आवको तीन महिनामा रु दुई अर्ब सात करोड मूल्य पर्ने दुई करोड १२ लाख ४८ हजार ३८३ लिटर जुस निर्यात भएको छ । एक अर्ब ७० करोड मूल्य पर्ने तीन करोड ६८ लाख ४८ हजार ३०८ लिटर सूर्यमुखीको प्रशोधित तेल र रु ९७ करोड मूल्यका दुई करोड ४९ लाख पाँच हजार १८५ थान कपडा र ६६ करोड मूल्य पर्ने सेन्थेटिक यार्न निर्यात निर्यात भएको छ ।
